李冰冰遊樂園施魔法被圍

金馬影后李冰冰近日到北京新開的主題樂園遊玩，冇遮冇掩四圍走，連口罩都冇戴，被大批網民捕獲，大讚親切！Nice爆的她雖然全程被遊客包圍，但依然非常享受，放低影后身份通街跑，一時大啖食雪條，一時拿着「魔杖」施法，又隨意坐下與卡通人物合照，童心未泯！

最令人意外的是，原來她周身肌肉，雖然照片唔清唔楚，仍難掩手臂線條，難怪她大方以緊身小背心出巡，任影唔嬲。