港姐晒仙氣關楓馨被「峰」殺

《2021香港小姐競選》將於本周日舉行決賽，12強佳麗穿上仙氣晚裝拍攝場刊，日前因為生眼挑針變「獨眼龍」的陳聖瑜、宋宛穎、王嘉慧及梁凱晴等穿上低胸裝，凸顯「有料」身材，相反屬「波霸」級的陳懿德及關禮傑女兒關楓馨因晚裝領口較高，事業線被埋沒，相對較失色。

大會形象監督陳惠英受訪時透露，造型早於5月時與副總經理曾志偉開會時已着手籌備及構思：「曾生想打造番傳統嘅香港小姐，除咗想帶出經典嘅感覺，亦都希望大家一眼望落去會覺得每個女仔都好靚。」又指由於12強佳麗平均較年輕，年紀最小的更只有18歲，故設計造型時以彩色為主，配合她們青春活潑的特色：「設計到件衫一伸手就好似蝴蝶展翅一樣，有美感之餘，亦代表個個佳麗都經歷咗華麗蛻變。」