昔日東方周柏豪水底戲出事 幽閉恐懼症發作
忙於為無綫新劇開工的周柏豪，昨日現身公開活動，他自爆日前拍攝水底戲時令幽閉恐懼症發作，導致身體出風瘌及紅疹，要打針食藥控制病情，故有意稍後學潛水來克服恐懼。
歌手周柏豪、聲夢學員姚焯菲（Chantel）及鍾柔美（Yumi）昨日出席活動向香港運動員致敬，柏豪自稱20年前乃籃球運動員，一直將永不放棄及自我挑戰精神延續到工作及湊小朋友上。
對於獲Chantel的粉絲讚靚仔，柏豪笑說：「依家出活動感覺好特別，粉絲好細個，以前啲粉絲同我差唔多年紀，但Chantel同Yumi嘅粉絲得12、13歲，身為佢哋嘅導師，見佢哋咁多工作都好安慰，又會諗起屋企嘅小朋友。」正忙為新劇《旁觀者》開工的他，自爆日前拍攝一場水底戲，因幽閉恐懼症發作導致身體出風瘌及紅疹反應：「我隔晚去咗醫院打針、食藥同搽嘢控制住，因為脫水，我即時瘦咗6、7磅。好在場戲順利完成，拍檔王敏奕都幫咗我好多。可能細個因為困?同焗親，所以喺狹窄同昏暗嘅環境下就會咁，不過大大吓識得調節，好咗好多。」他更指經此事後，有意學潛水克服恐懼：「最近學揸電單車，仲諗住學揸船同潛水，想增值自己。」
Chantel呵欠連連
而一臉倦容的Chantel不停打呵欠，笑指活動前於車上小睡片刻：「我未回魂啫，依家要兼顧學業同工作，不過暫時功課唔多，所以唔吃力。（星期六、日要工作，少咗跟朋友相處？）大家會傳訊息，返學都見到。」Yumi則表示大部分朋友是同學，返學已能見面，故放假不會特別約去街，問到可有同學向她八卦娛圈新聞？她說：「唔會，佢哋會關心我嘅工作同鼓勵我，亦有同學叫我表演《狂野之城》。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
