甄子丹被「鬧」都抵 《怒火》港票房穩破2,000萬

由陳木勝執導、甄子丹及謝霆鋒主演的英皇電影《怒火》，上映以來反應甚佳，除了暫成為本年度開畫票房最高香港電影，並連續兩星期榮登單日賣座冠軍，累積票房穩破2千萬大關，內地票房亦叫好叫座，連續28日橫掃票房冠軍，連勝紀錄為2021年眾片之冠，暫時累積票房達11億人民幣（逾13億港元），該片亦獲國際性影展肯定，分別入圍「法國詭奇電影節」、「蘇黎世電影節」、「蒙特利爾奇幻電影節」及「紐約亞洲電影節」，消息令台前幕後興奮不已。

片中陳家樂與子丹乃警隊上司下屬關係，飾演上司的陳家樂「劇情需要」於片場向子丹大聲呼喝，說道：「我係你上司，你冇資格同我講嘢，understand？」他於鏡頭後笑說：「邊個話KO甄子丹要用拳頭？我膊頭（粒花）都大過佢！」其實私底下，家樂對子丹非常恭敬，還賣口乖說：「唔好意思，丹爺，我頭先做戲咋，鬧親你唔好意思，我以後會聽聽話話！」

家樂更透露當初獲悉與子丹合作，加上角色可以發揮即深感興奮：「以我嘅年紀做丹爺上司，點樣展現霸氣去壓住佢係好大挑戰，我哋都花咗啲時間去捕捉感覺，好在效果都幾新鮮！」