「牛扒月餅」涉抄襲 陳婉衡簡淑兒極速割席

陳婉衡與簡淑兒最近與藍帶廚師推出「威靈頓牛扒」月餅，她們曾透露由構思、籌備到有製成品，共花了2個多月時間，全程親力親力，更笑言：「好似生咗個仔咁！」不過，該產品近日被指涉嫌抄襲，有網民發現早有一名飲食界網紅於7月已推出類似商品，較她們的產品早個多月面世。

捲入抄襲風波後，她們宣布不再參與該月餅計劃，並將社交網的宣傳貼文刪除。簡淑兒指事前並不知道市場有近似商品，得悉後決定退出。陳婉衡亦表示：「當初我哋想推出牛扒月餅嗰陣，係未見到市面上有呢個Concept，到發現市面上已經推出咗一款牛柳月餅，雖然材料同做法唔同，但我哋都決定退出，唔想再參與落去，因為已經唔係我哋一開始嘅原意。大家嘅理念唔係好一樣，所以冇再合作，因為涉及好多唔同單位，所以想將件事低調處理。（會唔會覺得可惜﹖）大家都有擺時間同咁多心血落去，覺得有啲可惜，但唔想件事畀人拎嚟炒作，所以中止合作。」