昔日東方C君任J2台創意總監 唔肯帶挈陸永
組合農夫成員C君（鄭詩君）獲無綫高層曾志偉誠邀出任J2台的創意總監，昨日是他人生中首次返Office工作，由綜藝節目主持人及演員躍升為高層，日後賣橋搵食。現年37歲的他受訪時表示：「20年前都係做創意嘅工作，依家就係第一日返寫字樓工，暫時團隊只有我一個咋，不過都有文具、水機陪我嘅，令我有壓力係要填好多表，好怕填錯囉！」
陸永冇諗過做視帝
問到有何大計？他說：「大計未有，諗緊細計，之前都同志偉傾過啲構思，依家就係實行。」並會繼續推出音樂作品，不過幕前演出相應減少。再問可會帶挈拍檔陸永有更多演出？他說：「唔使啦，佢已經係劇集《智能愛人》嘅男主角啦，已經一『部』登天啦！」
至於陸永表示早已收到風，但不會影響農夫繼續合作：「我哋仲做緊新歌，C君咁有創意先做到高層。（會唔會同佢𢱑撈？）做綜藝活動一定搵我哋啦，唔使𢱑嘅。」另外，於《智》劇首次做「男一」的他，笑言覺得做「男七」都好玩：「冇『男一』嘅壓力，更加冇諗過攞視帝。」對於被指是新一代笑匠，他謙稱未做到：「覺得自己好搞笑會好自大！」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
