羅子溢享受家庭樂 抖完再搏殺

本月28日生日的子溢，其老婆楊茜堯則於昨日牛一，當然要一齊慶祝！2人日前偕愛女小珍珠到主題樂園Staycation玩餐飽。兩公婆分別於社交網上載照片，楊茜堯留言：「簡簡單單，已經好滿足。開心不是因為生日，開心是因為有家人在身邊……」子溢亦發文：「寶貝，爸媽帶你去樂園玩，長大後，就到你帶爸媽去環遊世界。」他受訪時表示：「最緊要大家都身體健康、步步高陞，小朋友就健康快樂咁成長。其實冇諗過特別慶祝，都係搵個藉口帶囡囡同陽光玩遊戲。有小朋友嘅夫婦都係以下一代為主，冇咗二人世界。」又稱有妻女陪伴，已是最好的生日禮物。