昔日東方義賣20黃月餅 黎諾懿善心承傳 幫得就幫
藝人黎諾懿向來行善最樂，有意開設個人慈善品牌，幫助弱勢社群，繼月前糕點義賣後，他再與好友林柏希為即將到來的中秋義售月餅，今次受惠對象是中轉房屋住戶。談起住屋，他說：「香港最大嘅問題，好記得當年拍完《溏心風暴》後我冇乜嘢做，就搬咗去紅磡劏房，一住半年，就因為住過，先知道箇中情況，先識珍惜。可能好多人話幫得幾多，但我就係深信幫得一個得一個！」
諾懿行善之餘，同時希望推廣「承傳」﹕「重現番香港舊有嘅味道，蓮蓉月唔應該失傳，同埋依家我幫人，希望受惠者他朝有能力，可以幫番其他人。我今次堅持整20黃月餅，就因疫情令家人好難圍埋一齊，佳節攞個巨型月餅切吓，老老幼幼團團圓圓。」回想兒時的中秋，他自爆：「好百厭，成班細路攞晒儲埋嘅蠟燭出嚟，一晚全部煲晒！當時我哋『放火』真係出神入化，係唔啱嘅，但嗰種回憶諗番都好溫暖。」
為兒子整柚皮燈籠
這個中秋別具意義，事關他太太正懷第二胎，刻下陪伴家人比一切重要：「我係一個好鍾意錢嘅人，但錢搵唔晒。中秋我會用柚皮幫小春雞（大仔）整燈籠，等佢開心吓，預產期前後又會留番啲時間準備。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
