被爆開放！游嘉欣自認「老處女」

無綫節目《代溝關注組》前晚首播，嘉賓包括李家鼎、肥媽、游嘉欣及林正峰等，在介紹兩代「潮語」環節，21歲的游游解釋「A0（單身且拍拖次數為零）」一詞時自爆從未拍過拖，即遭肥媽質疑：「你冇可能未拍過拖啦！你咁開放！」因肥媽指在她的年代20多歲未嫁已算「老處女」，游游即搞笑說：「我就係你哋啱啱所講，廿幾歲嘅老處女喇！」豈料再遭肥媽狙擊：「未拍過拖唔代表係處女喎！我哋講嘅老處女係真係處女，你係假處女！」嚇得游游連忙呼冤：「我係真㗎！」

事後游游接受訪問，對於被指開放，她說：「肥媽本身唔太認識同了解我，不過呢啲大家都係講吓笑，唔會特別在意。（肥媽唔信你A0？）大家普遍都覺得冇可能，連我自己都咁諗，不過事實就係咁！」