昔日東方學識愛錫自己 Aka望穿秋水 終於有人追
組合Super Girls隊長Aka（趙慧珊）推出第6首個人單曲《愛人如己》，反思無論是愛情、親情或各方面，用自己認為最好的方式去愛一個人，其實對方未必領情，倒不如認真聆聽和細心觀察對方的感受。Aka承認曾經試過愛別人多於自己：「但長輩就話女仔要揀個佢錫你多啲嘅人，你就會好幸福，但我覺得係要平衡。（細個愛人愛到迷失自我？）我對朋友都係咁，細個覺得對方開心，自己就開心，但其實都要善待自己。」
感情方面，單身幾年的她終於有好消息，笑言有圈外追求者：「我諗我冇誤會啩，都有幾個咁出去食飯，但冇單獨去街。」又表示2人要再互相了解：「我唔想因為我好耐冇拍拖，為咗想拍拖而拍，對大家都冇乜責任感，所以順其自然同了解吓先。（佢係咪筍盤？）好人、專一同冇不良嗜好就係筍盤啦，依家keep住了解，係朋友。」
努力賺錢照顧父母
然而Aka並不急於拍拖，因為她公事私事也很忙碌，尤其妹妹近月移民後，她成為一家之主和經濟支柱，要努力賺錢：「爹哋媽咪退咗休，又有養狗，所以要一個人養家都有少少壓力，我妹妹要展開自己生活都難，所以我喺香港就要照顧好爹哋媽咪同隻狗，所以希望多啲嘢做，安頓好全家我就安樂。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
