陳宇琛呻被「背叛」

藝人石修的兒子陳宇琛，趁42歲生日分享入行18年的點滴。他透露當年孭住「星二代」包袱入行，感覺像「畀人一直批判」，加入無綫5年後，公司有人事變動，「山頭文化」令他失去不少拍劇機會：「幕前工作180度轉變，畀人安排做番一啲啱啱入行嘅嘢，完全唔起眼嘅節目。」他感覺被「背叛」：「對公司好信任亦付出咗咁多，拍劇捱到體力透支，身體受傷都好似白費晒。」又自言並非「帶錢返工」的人：「嗰陣每個月人工係$8,000，有時到月尾戶口得番$100至$200。」其後有電視台以4倍人工邀過檔，他考慮不久便答應。