Fans醋爆！Ian馮允謙互相示愛

人氣組合MIRROR成員陳卓賢（lan），前晚與馮允謙合作舉行音樂會，雖然馮允謙是計劃疫情後結婚的「男子漢」，但面對萬人迷Ian亦忍不住瘋狂示愛！2人整晚在台上Love來Love去，令Fans嗌破喉嚨！

lan與馮允謙（Jay）在九展舉行一連兩場音樂會，雖然雙方音樂風格各異，但表現相當合拍。2人甫開場即合唱2首歌，Ian深情獻唱《鯨落》時，大銀幕出現鯨魚畫面；到Jay接棒演繹《思念即地獄》時，唱到情深一句「I don't wanna lose someone like you」，竟興起向Ian跪地「示愛」，Ian亦伸手回應，場面搞笑。

Jay的「求愛」伎倆一浪接一浪，當分享演出心情時，Ian說：「好開心可以同Jay一齊唱歌，因為本身都好鍾意佢嘅歌，好榮幸可以同台演出。」Jay即說：「其實我都好開心，好欣賞Ian，你望吓佢，佢對眼一望係有心心㗎！」台下發出尖叫聲，Ian即怕醜地掩面傻笑。

自彈自唱騷Quali

其後獻唱《地球來的人》時，Jay柔情地叫Ian坐在身邊合唱，連番「甜蜜攻擊」終打動對方，當獻唱結緣歌《DWBF》時，Ian表白：「I love you Jay！」Jay即淡定回應：「You love me？I love you too Ian。」台下Fans再度瘋狂尖叫！

2人又盡顯音樂才華，彈結他及鋼琴，直言志趣相投。期間，Jay自彈自唱《Days They've Gone Too Soon》送給去年因疫情離世的嫲嫲，並說：「雖然佢冇機會聽到呢首歌，但我相信佢今晚都喺度。」