摸Pet Pet：身世坎坷 無人領養 傅明憲一見鍾情 私有化疤面狗

Gigi本已飼養了兩頭北京狗Fifi和獅子頭，暫養文文期間，3頭狗相處融洽，故Gigi最後決定領養牠。「有日我返去協會開會，當日第一次見佢，感覺係『love in first sight』，佢就好似依家咁伏喺我大髀，陪住我開會。」同事都說這個樣子有誰會要，偏偏Gigi視牠如珠如寶。有年文文患上牛痺熱，血小板跌到好低，當時她身在加拿大，不顧一切漏夜買機票趕返港：「好擔心佢走，我同佢講啱啱喺加拿大買咗張狗仔床畀佢，拎埋畀佢睇，叫佢要好番返屋企瞓，同佢打氣。」她說文文性格樂天，傻氣十足，並考獲狗醫生牌，經常到老人院探訪，試過有長者抱着牠不肯放手。

可是文文去年患上肺壓高，要定期3個月看心臟科，她說：「有呢個病後，醫生千叮萬囑唔可以游水，唔攰得、唔熱得、唔劇烈得，黃昏出街都要帶定冰墊和風扇，去公園跑，我要陪佢跑，喘氣就要抱起佢，怕佢暈。」她說因為不能出海，故多數帶狗狗轉玩室內影相打卡。