昔日東方風水輪流轉 恰番李佳芯 麥美恩入行10年 恨做女一
藝人麥美恩（Mayanne）在熱播劇《智能愛人》飾演沒有人生目標、只有愛情的古家儀，直至李佳芯（Ali）飾演的機械人「阿寶」出現後幫到她很多，但同時亦令她的缺點表露無遺：「最醜惡、Mean都發洩喺阿寶身上，教晒妒忌、憎恨、自我中心畀阿寶。」又指其角色好自私，睇劇本時擔心觀眾未必接受到，但監製卻指角色之後有反差，而且去得盡才顯得她和阿寶有紮實的姊妹情。
今次是她首次與Ali合作拍劇，但早在《學是學非》時已合作，她笑言今次角色對調：「今次恰得阿寶好緊要，同以前我係下把位掉轉，唔慣呀！下把位畀人同情係容易。」又會乘機虐待「弟弟」陸永：「現場我哋加好多肢體語言，我捏佢、虐待佢、搣佢，排位時好開心，佢又會幫你諗埋對白點樣搞笑啲。」唯獨劇情就被「男友」陸浩明食住，兩人最親密只是錫她的額頭。
還婆婆心願
講到Mayanne一開始是主持出身，被封為「新一代搞笑綜藝女王」，近年開始參與拍劇，今次角色戲份是最重，她笑言算是還了婆婆的心願，因對方很愛看無綫劇集。對於網民大讚她演技好，又謂她是被主持耽誤的演員，她坦言：「冇耽誤嘅，我個起步係有啲唔同，但我冇浪費過我做主持嘅嘢，主持同演員係相輔相成，例如啲人話我背嘢好快，就係由做主持訓練番嚟。」她今年入行第10年，坦言希望有機會嘗試做女一，問到可會劍指視后？她未想太多，認為有好角色很重要：「好似今次角色唔係女一，但發揮都幾好。」
本文連結 : https://orientaldaily.on.cc/content/娛樂/odn-20210824-0824_00282_051/風水輪流轉--恰番李佳芯--麥美恩入行10年--恨做女一
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
