被囡囡一句冧暈！胡諾言「靚仔」如Anson Lo

藝人胡諾言（胡仔）與太太陳琪前日現身主題樂園，為參加舞蹈學校周年匯演的3名子女打氣，同場還有吳若希一家四口。胡仔大女Jay手舞足蹈自爆是「鏡粉」，鍾意Edan及Anson Lo，又指原先的舞衣似Anson Lo於演唱會上着的紅色西裝，並讚偶像跳舞好睇又靚仔，陳琪即笑說：「咁爸爸靚唔靚仔？」Jay點頭並表示「靚仔」，又Sweet爆說：「睇跳舞片就Anson Lo，睇劇就睇爸爸！」胡仔聞言笑到見牙唔見眼：「佢喺屋企叫我『阿叔』㗎！（會唔會呷醋？）唔會，睇得開心冇問題，遲啲問吓花姐（MIRROR經理人）可唔可以探班。」