梁允瑜唔服輸：賽制唔適合我

「粗口港姐」梁允瑜在準決賽首輪已被淘汰，事後直言不忿及失望！她自覺整晚表現都在狀態，理應不會出局，問是否覺得賽制不公？她說：「我唔會話賽制唔公平，只係覺得呢個賽制唔適合我。（咁邊個適合你？）未搵到，做節目應該創新，用人唯才，香港小姐唔應該以佳麗嘅過去判斷，所以我只可以話呢度唔適合我。」問有否後悔拍粗口片，她說：「片唔係我拍，當時畀男友揭露屋企醜聞，好唔開心，當時係『被分手』，試過自殺，食過40粒感冒藥要去洗胃！呢條片係我朋友錄嘅，依家輸咗，如果有人想用呢樣嘢攻擊我，已經冇用，我可以做番自己，可以講番正宗廣東話同食魚蛋。（如果TVB簽你？）再算啦！」