鄧麗欣關心舊愛 王子咀女斷正？

鄧麗欣自早前宣布跟台灣男星邱勝翊（王子）分手後，昨日首次現身活動，她表示甩拖後心情OK，問到分手原因？她「落閘」拒談，追問「死因」是否因長期分隔異地？她直言可交代的已在社交平台上交代，希望給予他們空間，又形容雙方關係是「正常朋友」：「社交平台有繼續互Like，會互相關心支持，但私下冇刻意傾咁多偈。」講到網民力推她翻撻舊愛方力申，她指大家可能入戲太深，又婉拒重新Follow對方的社交平台，問到會否同樣視方力申為「正常朋友」？她有所保留：「唔識點形容同佢個關係，大家對朋友嘅定義唔同。」