陳曉華咬木塞 改善黐脷筋

陳曉華於無綫劇集《七公主》中，出場3集便自殺身亡，掀起她是否「七公主」之謎，有人「柯南」上身：「片尾佢成個黑衣人咁同翠如對話，一定未死！」對於網民的疑問，監製陳維冠說：「佢的確係會再出場，回歸方式仲好特別！」陳曉華演戲經驗尚淺，但愈見進步，有網民留意到她黐脷筋情況有改善，她表示會繼續努力：「知道自己咬字唔理想，有搵老師指導同練習，包括咬木塞以及唔同類型嘅肌肉訓練。」她又透露拍《七》劇時曾連續3日拍喊戲：「擔心喊到冇晒眼淚。」