候選港姐紮住上陣梁允瑜憂跳舞甩轆被Foul

港姐即將舉行準決賽，繼「富家女」王嘉慧後，「爆粗港姐」梁允瑜亦同樣左腳受傷，她坦言擔心影響準決賽表現！至於狀態大勇的「豪放版方媛」陳聖瑜及梁凱晴不擔心大熱倒灶！

《2021香港小姐競選》將於本周日舉行準決賽，爭奪進身決賽的12個席位。昨日20位候選佳麗到尖沙咀會晤大會評判，包括朱玲玲、王幼倫和劉偉強等，無綫高層曾志偉、樂易玲、何麗全等人亦有到場。穿低胸吊帶短裙的梁允瑜（Chloe）左腳包紮，行路時一拐一拐，與日前左膝受傷的王嘉慧（Cathy）同病相憐！Chloe表示：「呢幾日冇食飯，尋日練舞冇力，轉圈嗰陣抽筋，拉傷肌肉搞到腳腕受傷。」又稱要表演空中呼拉圈，希望快些康復再投入練習：「因為影響入唔入到12強。」

陳聖瑜唔驚大熱倒灶

Cathy表示傷勢已好轉：「尋日有時間，睇多次醫生做物理治療，今日慶幸都可以着高踭鞋。（到時演出冇大礙？）希望係。」又笑言與Chloe相依為命。講到見大會評判，她坦言有少少緊張，Chloe則表示會用正能量心態面對。問到可擔心被爆粗新聞影響？她坦言：「冇辦法，過咗去嘅事，香港小姐要宣揚香港精神，食魚蛋都係香港嘅地道文化。」

至於大熱「豪放版方媛」陳聖瑜（Yvette）及梁凱晴（Carina）充滿信心，不怕大熱倒灶，Yvette表示：「我哋同組，每日都有練習，我覺得我哋應該安全。」不過Carina坦言對跳舞冇信心：「因為好少時間練，我哋隊員Cathy又受傷。」作為評判的朱玲玲表示面試時會深入了解眾佳麗的性格、內涵和表達能力。

另外，無綫真人騷節目《We Miss Hong Kong STAY-cation晉級賽》昨晚播出最後一集，佳麗接受男藝人刁鑽問答考驗，包括「你哋最想Foul邊個」及「邊個覺得自己好有機會奪冠」，眾佳麗面露難色，但最終仍有「勇者」大膽「接招」。