鄧建明日日練聲飆高音

太極樂隊成員Joey Tang（鄧建明）昨日出席音樂學院活動，表示會分享結他自彈自唱技巧，又讚小朋友學生經驗豐富，笑指他們像男團MIRROR，又自嘲太極亦做了男團：「係半百男團，太極照妖鏡。」他又分享練聲心得：「就係一定要每日練歌，先會愈嚟愈高音。」他又自爆多年來都有「入室弟子」，就是身在外國升學的兒子：「雖然佢打鼓，我會遙距send啲片畀佢跟住學。」又謂現時多了幾個「仔」，就是樂隊ONE PROMISE：「我幫Gary（已故隊友唐奕聰）接手監製佢哋啲歌，跟佢哋學嘢。」