鄧洢玲去按摩上床畀鬼壓

藝人鄧洢玲應盂蘭節講鬼古，她表示入行前曾和男友光顧一間令人感覺不安的按摩店，當她瞓上床後就被鬼壓：「我哋兩個人，但間房就有3張床，瞓都瞓唔着，突然右邊就聽到把男聲同我講嘢，嚇到我鼻哥窿都冇肉，嗰刻出唔到聲，好在唸完經後就講到嘢，我同男友講我好驚，要立即走。」

而男團ERROR成員193（郭嘉駿）就爆身邊人不停被鬼壓，最難忘一次是發生在柬埔寨的酒店房，在臨天光時，不停有人扭門鎖，但當時沒理，至翌日同房的隊友阿Dee就向他訴苦，指同樣聽到扭門鎖聲後就被鬼壓，他說：「阿Dee話係咁叫我個名，但我冇理佢，呢單嘢唔係自然現象。」