周勵淇賣甩囝囝 北上掘金

藝人周勵淇近期忙湊仔，久未露面，前晚破例出席《怒》片首映禮，透露囝囝已一歲多，自己亦準備復出：「香港同內地都有工作，10月會喺香港拍戲，內地就拍電視劇，媽咪幫我湊小朋友。（唔考慮帶埋佢返內地？）之前試過，但嚟緊未必會，之前佢仲細，容易搞啲。」她指現時每日早上5時半已起床：「除咗湊仔，我都想快啲Pick up番，太耐冇拍戲喇，體能方面要操弗啲。（再生B？）隔一排再算啦！」