《怒火》錄10億票房贏「4冠」 楊受成陳木勝共事20載 感嘆失君子導演

雖然《怒》片兩位主角謝霆鋒與甄子丹因不在港而缺席首映禮，但仍獲得不少業界好友及群星支持，包括張敬軒、陳家樂及周勵淇等。新片直至前日已在內地上映18天，錄得8.2億人民幣票房（約10億港元），而且贏盡口碑，台前幕後都大感興奮。

首映禮上，集團主席楊受成、寰宇電影老闆林小明、金像攝影師潘耀明、藝人錢嘉樂、李璨琛、導演麥兆輝及張婉婷在台上代表發言，暢談以往與陳導相處的種種軼事。與陳導交情甚深的楊受成表示：「我同陳木勝導演識咗30幾年，我哋一齊工作超過20年。陳導演喺電影圈裏面出名係一個好好先生，係一個君子導演，我從來冇見過佢鬧人、發脾氣、發忟憎。佢離開咗我哋，我相信係全世界所有觀眾嘅一大損失，亦係電影圈嘅重大損失。《怒火》喺內地上映時剛好遇上河南大水災，冇幾耐疫情更加有反彈迹象，當時我哋都好擔心，同時內地有接近三分一嘅電影院被勒令關閉，但好彩《怒火》上映18日，一直以來都係票房冠軍、排片冠軍，入座率同觀影人次都係冠軍。呢部戲質素非常高，亦代表咗陳導演嘅功力，最後多謝嚟到參加首映禮嘅所有嘉賓，多謝！」