傳狄龍暈倒送院 譚俊彥：假嘅

現年74歲的影星狄龍，日前突然傳在家中洗澡時昏厥，由救護車送院，有指當時情況危急。其子譚俊彥受訪時否認謠言，他說：「係假嘅，因為嗰日下晝都有朋友傳短訊畀我。（你爹哋知唔知呢個傳言？）佢應該知，因為喺我未收到朋友查問時，媽咪已經打咗畀我，第一句就話：『你唔好驚，係假嘅，出面咁樣傳。』好彩媽咪話咗畀我聽先，打咗個底。」並指要向大家說聲不好意思：「因為誤傳嚇親大家，爹哋身體OK，間中都有到我屋企探孫女。」