孖方力申開Live講緋聞 同江旻憓冇下文 張家朗：我比較怕醜

回復單身的「劍神」張家朗，早前與「花劍3子」開直播，網民提議他們邀請江旻憓加入，蔡俊彥更提出猜拳決定誰邀請，但張家朗拒絕猜拳，張小倫又突然彈出一句：「同佢表白了！」令網民十分好奇張家朗是否對江旻憓有意！

前晚方力申與無綫體育記者何振然及主持莊琬晴，找來張家朗開網上直播，張家朗首度回應與江旻憓的緋聞：「其實我哋係冇嘢嘅，我亦都唔係鍾意佢，只不過我比較怕醜，所以嗰陣時大家話邀請佢入Live，我就比較怕醜，完全冇任何意思，只不過我個人係咁……」此時方力申笑說：「低調啲！好正常啫吓話……大把機會吓嘛……我哋呢度4個，4個都係單身，等觀眾幫我哋宣傳吓幾好呀！大家都可以為自己奮鬥嘅嘢而努力！」而何振然表示要事業為重，張家朗即點頭！不過，網民笑指他愈描愈黑，又讚他與江旻憓登對。

另外，方力申提到張家朗於金牌戰最後1分被對手挑戰，張家朗直言要配合裁判，不要鬥氣，方力申搞笑說：「係呀！我都唔同記者鬥氣，同啲記者鬥氣，我冇得撈㗎喇！」至於如何運用獎金，張家朗稱未決定，但認為買樓最有保障，會跟家人商量。