馬浚偉「羽」出驚人 撩奧運選手鬥波

藝人馬浚偉昨日以共融大使身份，出席東京2020殘疾人奧運會（殘奧）打氣活動。對於被指與「劍神」張家朗撞樣，他說：「我覺得好光榮，多謝多謝！」熱愛打羽毛球的他，自爆近日秘密練兵：「我約好陳浩源（殘奧羽毛球港隊代表），佢去完殘奧返嚟同我打兩板。（勝算如何？）梗係冇啦！點練都唔及職業運動員水平，但我係唔怕輸嘅人，口頭禪係『我好鍾意贏，但我唔怕輸』。」又指圈中不乏好波之人：「伊健、阿Lo（林曉峰）、趙增熹同Eric Kwok都打得唔錯。（覺得自己喺圈內排第幾？）我唔會太謙虛，頭5名啦！我打得唔錯㗎！」