阿諾緊張美國疫情怨「自由」累事

美國爆發新一輪新冠疫情，其中德州及佛羅里達州因疫苗接種率超低及民眾拒戴口罩，導致情況尤其嚴重。前加州州長兼荷里活巨星阿諾舒華辛力加（Arnold Schwarzenegger）前日受訪，炮轟反對戴口罩的人士「累街坊」！

他激動說：「頂你咩自由！自由背後係義務同責任。當你影響到其他人同情況嚴重嘅話，你唔可以齋講『我有權做呢啲嗰啲』。你有權唔戴口罩，但你知道嘛？你唔戴口罩就係白癡。」不過影星湯漢斯（Tom Hanks）兒子Chet Hanks唱反調，拍片反對打疫苗，自言厭倦戴口罩。