江嘉敏簡淑兒險火燒廚房

藝人江嘉敏與簡淑兒（Jessica）昨日現身美食博覽，出席「myTV SUPER 星級饌賞《煮戰》前哨賽」活動，並擔任兩位大廚黃亞保及張錦祥的助手炮製美食，期間江嘉敏用雙刀剁龍蝦膠，看似功架十足。受訪時，江嘉敏卻自認是「地獄廚神」，一年前更試過令微波爐起火：「我擺鬆餅入去，嗰個人話叮5秒，點知叮咗3秒突然着火，啲火喺個爐邊滲出嚟，之後我即刻閂咗總掣！依家再冇呢啲情況出現，廚藝進步咗。」

Jessica笑言亦曾險些火燒廚房：「嗰次煲湯，點知開工太攰瞓着咗，唔記得熄火，第2日發覺個爐頭燶晒，好彩佢自動熄爐。」又怕醜笑指男友麥大力的廚藝較好，所以她只負責食。