游嘉欣「床戰」：幾好玩！

無綫小花游嘉欣即使參加水上遊戲，依然吝嗇展示身材！她昨日笑說：「哎吔，我平時出海都係咁着咋，最緊要係自己舒服啫！」談到「首戰」充氣彈床等玩意，她說：「都幾得意同好玩，對比滑落嚟嗰吓，我幾喜歡爬上去，因為有時會跣腳，加上手上要拎啲物品，有時都搞到好論盡，但我覺得有挑戰性。」她坦言當日由於天氣關係，曾一度影響拍攝，有點美中不足，不過停雨後「復工」一切順利，台前幕後合作相當愉快。