昔日東方選美戰友重聚 朱晨麗10年回憶返晒嚟！
中排：李松蔓、蔡慧欣、梁麗翹
前排：朱希敏、胡中慧
2011年港姐冠軍朱晨麗，除了以師姐身份為今屆港姐擔任導師外，日前更孖當年同屆佳麗，包括亞軍朱希敏、季軍許芷熒，以及梁麗翹、胡中慧、蔡慧欣及李松蔓等慶祝相識10周年。
朱晨麗於社交網大晒當日在遊艇餐廳慶祝的照片，各人先以七彩繽紛的夏日Look留影，之後換上黑白高貴晚裝，又重演當年影海報及領獎的畫面。朱晨麗留言：「時間過得真係快，眨眼已經10年啦！」
她受訪時說：「好多個佳麗都結咗婚、做咗媽媽，能夠咁啱約番8月7日敍舊好難得，不過有啲身在外地，嗰晚得7位『成員』，大家傾番10年前參賽前後嘅嘢，好多回憶湧番晒出嚟。（有冇催你結婚？）冇。」談到再影「當選照」，她笑言：「我哋搵到張櫈，有啲當選feel，好開心。（呢10年最大得着係乜？）成為咗演員，打開咗眼界，試咗好多唔同嘅嘢！」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
