姜麗文泳裝被批似阿婆底褲

藝人姜麗文在社交網上載穿上兩件頭泳衣的照片，身材都幾Fit，有網友略嫌她的泳衣款式保守，亦有網友覺得這套泳衣唔好睇，下截似阿婆底褲，認為如果穿高衩少少的泳褲會顯得腿較長，她先留言回話：「這件泳衣好舒適，落水功效又好，對我已經好足夠，我唔係咩模特兒，我覺得我件泳衣好靚，我都好愛阿婆底褲。」之後她更在限時動態轉載水着照，且我行我素表示：「不明點解大家咁關心我件泳衣好唔好睇，誰在乎我穿甚麼，我很困惑？只是因為我是藝人？我覺得好奇怪，網友只會針對公眾人物的甫文發表負評，就像你好醜，或者你的泳衣唔好睇一樣。」她透露泳衣是在網上購買，價值95元，很開心買到件舒適的泳衣。