昔日東方陳凱詠追逐夢想 開戶外大騷
環球歌手陳凱詠（Jace）昨日與一眾同門陳逸璇、曾比特（Mike）、涂毓麟、Kerryta及石山街到Mira Place出席「Gimme LiVe音樂節」，其中Jace與Mike合唱英文歌，2人亦謂想合作跳舞歌。而講到日前登上紐約時代廣場的廣告幕牆，Jace說：「估唔到，以為發夢，仲以為係公司P圖呃我，覺得好意外，但都勉勵到自己同大家。我喺去美國做交換生時想試吓追夢，當時見到人來人往咩都有可能發生，估唔到自己可以去番咁夢幻嘅地方！」
問到下個夢是甚麼？她坦言：「希望可以喺戶外場地開大型show，不過依家疫情就惟有開住小型先，嚟緊我20號都會舉行第一次個人音樂會，其實都好急。（有冇一個月時間準備？）冇呀，都好擔心，但都好珍惜，因為依家可以開show真係唔容易，所以我叫自己唔好諗咁多，準備好狀態表演畀大家睇。」Mike又自薦做嘉賓。
陳逸璇翻唱阿倫舊歌
陳逸璇就開心新碟登上唱片舖銷量榜榜首位置，講到將於8月23日生日，她笑言與譚詠麟乃同一天：「我願望同佢一齊慶生，但佢呢幾年都唔騷我。」她又謂前日打給對方：「因為我隻碟翻唱咗佢首《只有你》，我錄音嘅時候喊到停唔到，想同佢討論吓首歌嘅意義，校長即刻問番填詞人，原來對方都話係寫畀天父，所以我咁感動係因為同首詞連繫到。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
