新歌獻亡友 姜濤催淚MV 邊拍邊喊

姜濤前晚9時發布新歌《Dear My Friend,》，其官方頻道推出的MV至昨晚8時，收看次數衝破76萬，因此曲獻給今年3月逝世的摯友「中鋒」Kin，MV交代他出席喪禮致詞及送上籃球，期間不禁哽咽爆淚，令「姜粉」愈看愈心痛！姜濤表示初時採取「拖字訣」：「可能唔想面對朋友離去嘅事實，所以揀曲時拖咗好耐，最後聽到林奕匡寫呢隻歌，一聽就有命中注定嘅感覺。雖然我唔知佢（Kin）依家以乜嘢形式存在，但我希望佢睇完安息。」

自認喊點高的他坦言淚腺失守：「導演希望我寫封信畀Kin，喺喪禮讀出嚟，但我寫唔出，因為太多說話想講，所以我建議唔寫，由我自言自語，講講吓就喊咗，望住副假棺材係咁喊。」他在負責填詞的林若寧落筆前，給對方寫下千字文，表達與亡友之間的感情。因獨生子關係，他視Kin如哥哥，曾希望和對方偕妻兒到美國打籃球。

另邊廂，MIRROR成員Stanley、Jeremy、Frankie昨日偕黃德斌及沈殷怡到銅鑼灣出席活動，談到MIRROR每當有代言廣告，女粉絲的「前夫」（即男友或丈夫）都要大灑金錢作「資」持，而Jeremy早前被誤會拍樓盤廣告，即令「前夫」擔心要「籌旗」買樓！Jeremy笑言：「我哋未到推銷樓盤嘅級數，但有就仲好，大家唔使太擔心。」對於姜濤出歌悼故友，3子表示是他選擇「重新出發」的最好方法：「相信佢打場波就冇事。」此外，有傳組合ERROR成員Dee的粉絲為慶祝偶像30歲生日，在尖沙咀栢麗購物大道租下巨型燈箱，連同其他港九新界的燈箱多達35個。