爆三角戀後首同場 蘇韻姿當周嘉洛透明

周嘉洛近日被指與蘇韻姿暗撻多時，同時又搭上新劇拍檔陳瀅。昨日他與蘇韻姿無懼緋聞纏身，聯同無綫處境劇《愛．回家之開心速遞》拍檔阮政峰亮相《全民運動日》網上直播，不過先後登場之餘，中間還夾着阮政峰，直至最後才齊齊出現學舞步，見女方甚少與嘉洛交流，反而主動撩阮政峰，似將嘉洛打入冷宮！

率先現身的蘇韻姿透露從小學習芭蕾舞，惟天生筋骨硬，習舞9年也未能成功拉出一字馬。緊接出場的阮政峰則表示，剛拍畢《凶宅清潔師》及客串《旁觀者》，對《凶》劇拍攝更有新體驗：「因為要拎住器材去廢墟拍攝，我一生人都唔會凌晨時分去呢啲地方！」之後到嘉洛壓軸登場，做出不同舞步讓阮政峰估，他透露讀小五時在網上睇片自學跳舞，更笑指跳Breaking時，有幾次差點整斷頸！

對於與嘉洛鮮有交流，蘇韻姿昨日接受本報訪問時否認刻意避忌：「大會安排我哋以唔同組合玩遊戲，我覺得氣氛好好呀！」

同樣食正運動熱的還有林溥來（Patrick Sir）與李思雅，2人昨晨到商場陪市民欣賞男子花劍團體賽，為港隊打氣。Patrick Sir讚首度出戰、童星出身的吳諾弘表現出色；李思雅則讚港隊發揮出高水平。