昔日東方獲老闆封英皇一姐 周家怡唔敢當：咪嚇親人！
藝人周家怡簽約英皇後星途暢順，一口氣拍兩部電影外，更獲老闆封為「英皇一姐」，又親自推蛋糕為她補祝生日，可見「分量十足」。
周家怡與鄭伊健、錢嘉樂、雲浩影及黃淑蔓等昨午現身大埔，出席英皇電影《深宵閃避球》開鏡儀式。上周五是家怡的42歲生日，投資方英皇老闆楊受成昨與一眾演員推出蛋糕為她補祝，楊生當眾肯定家怡「地位」：「英皇一姐，佢係一姐好耐嘞！」
吸收青春氣息
受訪時談到生日願望，家怡打趣說：「希望吸收多啲青春氣息。（人生大事呢？）殮葬呀？（有冇人追？）話冇好似好削，依家冇拍拖，況且我好講感覺，去到呢個年紀冇諗咁多，或者60歲又變番好急呢！（楊生話你係『英皇一姐』！）唔好寫，嚇親人！（仲有另一套戲開緊工。）同陳家樂嘅《出租佳人》，算托賴。」
伊健與嘉樂繼年前《黃金兄弟》後，再次合作拍電影，今次分飾兩隊球隊教練，笑言是良性競爭，伊健說：「今次故事講人生遇到問題，唔應該閃避。（你以前有試過閃避？）一定有，但真係唔記得咩事嘞。」
伊健男神不老
談到與大班新一代女演員合作，2人打趣有代溝，伊健說：「好似以前我哋萬歲叫奶茶同蛋撻，依家佢哋係食芝士蛋糕同飲珍珠奶茶。」不過靚女們卻指伊健是她們心目中的男神，李靖筠更搞笑指「望佢一眼都賺咗」。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
