陳嘉寶3年抱3夠晒數！

育有2位小公主的女神陳嘉寶昨日宣布「3年抱3」，懷孕5個多月，她說：「我同丈夫都生於大家庭，我哋早有共識，為建立大家庭而努力，第3次啦！感覺熟悉又有啲陌生，但依然好驚喜。」不過未有透露BB性別。問生完今胎會否封肚？她說：「3個小朋友家庭已經好大，要對佢哋公平，好好照料同教育佢哋。我同先生都有自己嘅夢想同事業，未必有心力再應付小生命，個肚點都要封住先喇！」年初加盟新公司的她，產後會繼續工作，而早前拍下的ViuTV劇將於年底播出：「幕前工作比其他全職媽媽更彈性，女仔都可以好獨立，有自己事業。」