「兵仔」自肥！ Edan周秀娜濕身戲水

憑港版人氣劇《大叔的愛》創事業高峰的Edan，乘勢推出第2首單曲《小諧星》，並找來周秀娜Hot爆演出，MV上載1天，已錄得超過60萬收看次數，走勢非常凌厲！

今次MV大玩錯愛，講述身為演員的周秀娜找Edan教琴，朝夕相對產生感情，雖然她已有未婚夫陸駿光，但Edan仍甘心做「兵」陪試嫁衣，低胸剪裁的婚紗盡顯周秀娜的豐滿上圍，相當吸睛！其後2人在泳池戲水，全身濕透，開放式結局引發大家幻想。Edan在社交網感激周秀娜：「辛苦你又落水又淋雨又學琴又OT，真係好專業，希望有機會再合作！」

至於Edan好兄弟柳應廷（Jer）昨午現身奧海城，吸引逾千Fans吶喊助威。首次演繹電影主題曲的他，坦言故事感同身受：「當初入行未必被大家睇好，唔知邊個係阿Jer，到今時今日咁多人嚟支持我。（單飛都吸引逾千人喎！）好多謝佢哋，Fans真係好錫我，如果冇佢哋，就唔會有今時今日嘅MIRROR或者我。」

對於有傳將夥拍姜濤演出英皇新片，他大賣關子：「都想演戲，但我嘅演技要再磨練，所有嘢都唔排除。（咁8月係咪開工？）等公布啦！」