朱晨麗被認錯候選佳麗：原來我咁青春

昨日朱晨麗（朱朱）與歷屆港姐馮盈盈、何依婷、曹敏莉和劉倩婷等，聯同今屆入圍佳麗現身樂富舉行的「香港小姐市集」活動。穿碎花連身短裙和波鞋的朱朱，被誤會是候選佳麗，她沾沾自喜說：「好開心呀，原來我可以咁青春！頭先個工作人員想叫我行開，我又戴住口罩，發現係我之後，佢話唔好意思，認錯咗我係佳麗。」提到上一輪Foul走了4位佳麗，其中賴彥妤是屬於朱朱訓練的一組，對於她兩度參選均被foul，朱朱戥對方可惜：「好彩我唔係今年參選，佢哋好多嘢做，飛天遁地真係全能。」

而馮盈盈早前拍攝《#後生仔傾吓偈》時腳趾受傷縫6針，帶傷現身的她腳趾包紗布。她表示已拆線，但依然行動不便及不能濕水，自爆借了陸浩明用過的「腳膠袋」沖涼：「真係天意，佢之前拆石膏後就冇用，依家借畀我用，希望唔使傳畀下一個用。」又稱現時看到地下有木或釘，都不夠膽行近。由於腳傷關係，她未能陪佳麗上山下海拍攝。