林雅詩神秘入院

女星林雅詩去年因男友馬天樂「偷食」而分手收場，不過原來二人尚未「斷纜」！上月她突然於社交網直播，情緒失控兼哭成淚人，雙方繼而發生激烈吵架。日前有讀者爆料，指她於觀塘某醫院留醫，本報連日來致電她仍未聯絡得上。而馬天樂昨日受訪時，表示獲悉對方入院：「我知道，都係身體小問題，冇咩大礙，有探過佢，應該都出咗院。（你哋之前鬧交鬧到咁激，依家冇事？）冇事啦！嚟緊都有合作嘅！（你哋仲係男女朋友關係？）從來都冇認過，唔係拍拖。」