公園對戲突失控 麥貝夷人格解離咆哮爆喊

為了演活每一個人格，日前Karene相約好友白健恩（小白）到公園對戲，起初二人拿起劇本有說有笑，不過當排練一段鬧交戲時，她似過度入戲，突然手指指向小白破口大罵，之後更情緒高漲大聲咆哮，轉身揮袖而去，小白見狀即上前了解，她講了幾句後便失控蹲低狂哭，令小白不知如何是好，惟有扶她到旁邊的木櫈休息，期間小白「阿四」上身，既遞紙巾給她抹眼淚，又出動「摸頭剎」安慰，望她盡快平復情緒。為免Karene繼續情緒不穩，小白暫停對戲，陪她截的士離開。

本報就此事聯絡Karene，她表示情緒已沒有大礙：「嗰日只係一下子撻着咗喊，休息一陣都冇嘢。（你仲接呢類角色演？）想挑戰吓！我諗我應付到嘅，同埋都仲有教英文，個人開心番，有嘢做打發時間，感情事唔諗太多住，專心工作先。」