陳展鵬傳年薪500萬：如果呢個價簽10年

無綫視帝陳展鵬早前憑杜系監製的劇集《逆天奇案》人氣急升，被指年薪達500萬，在一眾當家小生中排第4位，但近日傳他續約時扭計，獅子開大口要求加薪，又傳他得罪高層，結果遭雪藏。昨日他受訪時表示：「呢個價位真係好可觀喎！雖然我份約未到，但係如果底薪係咁，唔好話逆市，就算最旺嗰陣呢個價都簽得過啦！仲話要加薪？冇可能啩！依家各行各業都喺冰點之中，係咪要同公司一齊過渡艱難期呢？仲敢有人爭取多啲人工？係嘅話呢個人一定好有才華，但我自問唔係咁有才華嘅人。如果真係呢個價錢，我簽10年，年薪、底薪Over再計，簽15年都OK呀，幾可觀呀！」