「我當睇唔到」劉心悠增肌未成吹脹！

劉心悠與吳卓羲等前晚出席電影《女人街，再見了》首映禮，現場所見，心悠身形比前發福不少，她尷尬地說：「我依家增肌中，不過要先增磅。我以前體重係40幾公斤，依家50幾公斤，為部戲而準備，依家係一個過程。」問到可擔心增肥容易減肥難？她滿有自信地說：「增加到就可以減到，但我依家仲未增到肌肉，只係得個肥！（肥咗變得冇自信？）着衫要好小心，但夏天衫比較難遮掩，我惟有當睇唔到！」

吳卓羲睇智叔演戲毛管戙

此片是已故藝人廖啟智的遺作之一，吳卓羲受訪時坦承對方是他十分欣賞的前輩，故拍攝時會暗中偷師，他說：「睇佢演戲會睇到毛管戙。」此外，提到他41歲依然保養得宜而登上網站熱搜，他分享keep fit之道在於少食澱粉質，飲食清淡。

另外，張立基與太太結伴到場，提到有網友指人氣男團MIRROR成員Anson Lo跟年輕時的他撞樣，他說：「係有啲似，佢跳舞跳得幾好。」但他指自己年紀大，將逐漸淡出樂壇。