陳家樂搞喊B女 連詩雅「冇眼睇」

藝人陳家樂被譽為新一代男神，日前探望羅力威與雨僑的囡囡Harper，豈料一抱上手，B女就喊不停，搞到他勁無奈，不斷求救：「一抱就喊，點解呢？我做錯咩？」而雨僑亦有親自解釋，原來是與他拍過的廣告有關：「我個女一見到你就喊，因為你個廣告阻住佢睇《Wheels On The Bus》（兒歌）。」至於女友連詩雅見狀，則貼上「冇眼睇」表情符號。而已為人母的好友湯怡笑指他：「你冇安全感。」陳家樂即表示：「你畀我試吓抱你個BB。」不少網友指他恨做爸爸恨到出晒面，叫他快點生番個。