鄭伊琪儲錢買樓 齋畀裝修費

口罩小姐冠軍「浩南」鄭伊琪昨日出席名錶店開幕活動，一向有收藏名錶的她，被問到工作及收入增加，會否升級買更名貴錶款？她說：「依家少買奢侈品，因為想儲錢買樓。（二人世界？）仲要加埋隻狗狗。（目標幾大單位，要儲幾多錢？）5、600呎啦，要儲60萬。（咁少？）要嚟裝修咋，有睇過黃金海岸。（男友會唔會幫手供？）裝修係我嘅，其後嗰啲佢為家庭付出㗎啦！」