任個唱嘉賓擺「天王女」上枱「金句大師」高手過招林海峰問黎明噏乜！

「金句王」黎明在首場演唱會上引爆笑彈，大爆「噏To You」及「綵排綵排，都不及天意安排」等金句，令出名轉數快的林海峰都甘拜下風！談及寶貝女，同屬「外父相」的林海峰，批黎明將來必成囡囡Fans。

一連9場《黎明Talk & Sing 2021紅館演唱會》前晚揭開序幕，寰亞娛樂老闆林建岳、陳慧嫻、蔡一智及胡定欣等捧場，並邀得同樣「Talk得」的林海峰（Jan）擔任嘉賓。兩位「金句大師」過招，又合唱「人氣王」姜濤的《蒙着嘴說愛你》，夠晒貼地！

收邀請以為白撞

Jan甫上台即對黎明說：「你邀請我嚟，好大壓力。」自爆曾請對方「食檸檬」：「因為『金句王』面前，叫我嚟真係獻醜。」他直指雙方不相熟，故收到對方的邀約電話時，還以為是銀行推銷借貸，他公開播出雙方的WhatsApp留言作證，笑說：「我話：『Leon，噏乜嘢？』Leon同我講：『Jan，噏咩？Up To You啦！』」Jan笑指這句話很好用，適用於情侶之間或與人嗌交時：「呢個回應既彬彬有禮，大方得體得嚟有啲浪漫不羈，同埋有啲挑釁性。」

封囡囡做偶像

而第2句被Jan形容為「金中之金」的金句，是黎明跟他說「綵排綵排，都不及天意安排」，Jan笑說：「天意安排咗我嚟，其實係黎明安排我嚟！」2人又談及家事，Jan稱呼黎明女友Wing為「黎明太太」，預言黎明將來會視囡囡如偶像一樣，而黎明則自爆囡囡不會找他影相或簽名。

此外，天后容祖兒在社交網上載與黎明的合照，網民「集氣」希望天王、天后在尾場世紀合作！