昔日東方享受陽光與海灘 劉思希海南島度假 變糕點殺手
由於疫情關係，大部分人都久未旅行，劉思希亦不例外，已近兩年沒有出外度假。早前她到甚有南洋風情的海南島萬寧市享受陽光與海灘，期間大開「食」戒，密密食不同種類的糕點。
藝人劉思希早前返澳門探望家人後，飛往海南島萬寧市度假，享受渴望已久的陽光與海灘4日假期，她笑說：「因為疫情同工作關係，已經近兩年冇去過陽光與海灘嘅地方，坐喺飛機等起飛嗰刻，心情真係好複雜。」
本來她因看過電影《非誠勿擾》而選擇前往三亞，但擔心旅遊區人多，故聽從朋友建議，去了離三亞個半小時車程的萬寧，想不到有意外驚喜，她說：「萬寧有好多越南華僑、南洋人聚居，嗰度相對三亞少人啲，環境同海灘都好清幽，沙灘好靚，海水好清，冇乜污染，有啲似泰國嘅小島。」
飲茶都有南洋Feel
她指當地食物亦甚有南洋風味：「萬寧有『中國小南洋』之稱，食物好有南洋風味，有條好大嘅咖啡村！有朝我出去飲茶，但唔係食點心，係飲奶茶、食南洋糕點，好似斑蘭糕同椰汁糕，好有風味！」
暫別無綫處境劇《愛．回家之開心速遞》數月，劉思希表示以往經常往返澳門：「如果返香港再去澳門就要隔離，上年已經隔離咗兩次21日，真係好嘥時間！」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
