蔣怡8歲囡囡設計首飾

藝人蔣怡出任珠寶設計比賽評審，她指8歲女兒翁容近年愛上戴小首飾：「佢好鍾意自己造首飾，之前用手工紙摺戒指同手鐲，仲開張枱放晒啲首飾同寫晒價錢擺檔，好搞笑。佢話想將賺到嘅錢嚟幫助菲律賓小朋友，屋企親戚朋友支持下都賣到幾十蚊。」她指雖然是紙摺，但設計創意十足：「佢對藝術方面好有興趣，超鍾意畫畫，主動要求加堂。佢生日話想要類似串珠仔嘅玩具，想整多啲首飾送畀其他小朋友。（遺傳爸爸藝術基因？）我諗係，老公話叫佢放暑假去公司返工，教佢做珠寶喎！哈哈。」