《明星運動會》送水輝寶刀未老黃嘉雯何慈茵跳遠有得鬥

《愛．回家之開心速遞》一班演員昨齊齊參加無綫《明星運動會》，其中「送水輝」許家傑有姿勢、有實際，推鉛球成績彪炳，曾任校隊代表的他，對表現相當滿意！女子組方面，剛於無綫拳賽奪「拳后」的何慈茵，於跳遠項目亦有出色表現，而黃嘉雯亦有力一鬥！

無綫《明星運動會》昨於將軍澳運動場進行田徑比賽，賽事包括男、女子跳高、跳遠、男子標槍、推鉛球及擲鐵餅等。《愛．回家之開心速遞》不少演員何啟南、許家傑、歐瑞偉等均跳出錄影廠，參加各項項目，其中「Andy」崔錦棠在跳高、跳遠、鐵餅等項目中獲得不俗成績，至於「送水輝」許家傑也不失禮，曾經是鉛球校隊的他寶刀未老。

《愛．回家》鉛球包辦3甲

事後他受訪時笑言：「讀書時嘅表現會較大力，但今次贏喺技巧。最開心係推鉛球項目，總共有18個人參加，《愛．回家》演員佔咗15個，仲包攬咗3甲位置！崔錦棠本身係運動健將，今次運動會有勁敵，就係何慈茵，佢哋作賽都係亮點之一。」

何慈茵喜獲「送水輝」點名稱讚，除她之外，黃嘉雯於跳遠、跳高項目都有不錯成績，她說：「我以前中學都係玩開跳遠跳高，但跳高其實比較好，但都成十幾年冇跳過啦，都好好彩今次跳到啲成績。」