工作人員中暑林峯周秀娜着外套熱溶

林峯、連詩雅（Shiga）及周秀娜等昨日到烏溪沙繼續為網劇《黑金風暴》開工，由於拍攝時烈日當空又酷熱，他們全部長衫長褲上陣，未埋位林峯已熱到皺眉，周秀娜亦不停抹汗，要齊齊除外套。拍完幾個鏡頭後，他倆閃身上車歎冷氣，只有大汗疊細汗的Shiga留在戶外影揸槍照。

連詩雅入不敷支

Shiga激讚首次合作的林峯超好人：「好照顧身邊人，佢同周秀娜成日『萬歲』，我想請時，佢哋又搶贏，唯獨有次喺南生圍拍，佢哋唔喺度，我請大家食雪條。」又指在港日日拍外景，有工作人員中暑，而她亦兩度險中招：「拍呢個劇真係有血有汗。」飾演重案組女幹探的她要「男人婆」上身，說話粗魯之外，還有不少打鬥及開槍鏡頭，又與黃浩然有感情戲。問到男友陳家樂可有詐型她變「Man」以及如何為她慶生？她即撒嬌說：「唔講你知！我生日都要開工，淨係同公司圍內慶祝。」又稱疫情期間工作減少致入不敷支，因此要努力工作。

另外，林峯抽空出席堂妹林夏薇的34歲生日會，到賀的圈中好友包括黃翠如、蕭正楠、胡定欣及陳山聰等，最驚喜是鮮有露面的劉愷威亦有現身，雖然已47歲，但依然皮光肉滑，獲讚是「不老男神」！