游嘉欣 揮拳打走Baby Fat

無綫小花游嘉欣熱愛運動，雖然要同時應付拍攝工作及大學課程，但仍會抽空做運動，最近更報拳擊班，她接受本報訪問時表示：「啱啱拍完新劇《青春不要臉》，又撞正Sem break（學期休息），所以去咗學啲新技能。想學Boxing好耐，又實用，又可以收身，對之後拍戲都可能有幫助。今次畀咗個目標自己，因為本身Baby fat，上鏡更明顯，所以想借呢個空檔操Fit自己。每星期操4至5日，冇3個鐘都走唔出個門口，依家打咗1個月體重跌咗2kg，之後要練出腹肌，同埋想磅數再跌多啲。」